ڈی ڈی سی انتخابات کے ساتھ ساتھ میونسپل انتخابات کے لیے بھی ترال میں آج دن بھر گہما گہمی دیکھنے کو ملی۔ اس دوران چار امیدواروں نے ان انتخابات میں حصہ لینے کے لئے کاغزات نامزدگی جمع کرائے۔
ترال: چار امیدواروں کا پرچہ نامزدگی داخل
اس موقع پر سیکورٹی کے سخت انتظامات کیے گئے تھے جن امیدواروں نے آج فارم بھرے ان میں محمد شفیع شاہ، نذیر احمد اور اس کی اہلیہ جبکہ جے ڈی یو سے وابستہ طاہر منصور شامل ہیں۔
وارڈ آٹھ سے فارم داخل کرانے کے بعد طاہر منصور نے میڈیا کو بتایا کہ وہ اپنے ترال کو جدید خطوط پر استوار کرنے کے لیے تمام تر اقدامات کریں گے اور لوگوں کی آواز بن کر ان کے مسائل حل کرنے کے لیے کام کریں گے۔
