پانپور میں جانکاری و تربیتی کیمپ کا انعقاد

محکمہ صحت کی جانب سے آج قصبہ پانپور کے ٹاون ہال میں فرنٹ لاٸن ورکرز اور ہیلتھ سرولینس ٹیموں کے سربراہوں کے لیے ایک روزہ جانکاری و تربیتی کیمپ منعقد کیا گیا۔

پروگرام کے دوران ماہرین صحت نے کورونا واٸرس سے بچنے کے حوالے سے ضروری جانکاری فراہم کی اور انہیں اس مہلک بیماری سے بچنے کے تدابیر بھی بتائے، تاکہ اس مہلک بیماری پر مکمل طور قابو پایا جا سکے۔

پروگرام میں بی ایم او پانپور گلزار احمد، میڈیکل افسر محمد اشرف، تحصیلدار پانپور اور بلاک ڈیولپمنٹ افسر پانپور کے علاوہ درجنوں فرنٹ لاٸن ورکرز اور سرولینس سربراہوں نے شرکت کی۔قابل ذکر ہے کہ یہ پروگرام کورونا وائرس کے بڑھتے واقعات کے پیش نظر منعقدکیا گیا ہے اور اس پروگرام کا مقصد لوگوں تک کورونا وائرس جیسی مہلک بیماری کے روک تھام کے لیے مکمل جانکاری پہنچانا ہے جس سے اس بیماری کا مکمل خاتمہ کیا جا سکتا ہے۔

اس سلسلے میں بات کرتے ہوئے بی ایم او پانپور گلزار احمد نے کہا کہ یہ پروگرام کورونا وائرس پر مکمل طور قابو پانے کے سلسلے میں منعقد کیا گیا ہے۔ انہوں نے کہا کہ ابھی اس وبا کا میڑسن سے کوٸی مثبت علاج ممکن نہیں رہا ہے، اس لیے احتیاط ہی اس بیماری کا علاج ہے اور اسی لیے ہم نے پروگرام منعقد کیا ہے۔