پلوامہ: ضلع پلوامہ کے کھریو میں گزشتہ روز کھریو پریمیئر لیگ ٹی 20 کرکٹ ٹونامنٹ کا افتتاح کیا گیا۔ سیکرٹری جموں و کشمیر اسپورٹس کونسل نزہت گل نے ٹورنامنٹ کا افتتاح کیا۔ سرینگر جِم خانہ نے ہفتہ کو آزاد اسٹیڈیم کھریو میں کھیلے گئے کھریو پریمیئر لیگ ٹی 20 کرکٹ ٹورنامنٹ کے افتتاحی میچ میں شوپیان واریئرز کو 39 رنز سے شکست دی۔ : Srinagar Gymkhana beat Shopian warriors
افتتاحی تقریب سے خطاب کرتے ہوئے سیکرٹری اسپورٹس کونسل نزہت گل نے کہا کہ اس طرح کے ٹورنامنٹس کے انعقاد سے نوجوانوں کو ایک پلیٹ فارم مہیا ہو سکتا ہے اور وہ منشیات اور دیگر بری عادتوں سے بھی دور رہ سکتے ہیں۔ انہوں نے اعلان کیا کہ آزاد اسٹیڈیم کھریو میں ٹرف وکٹ تیار کی جائے گی اور بیٹھنے کا انتظام بھی کیا جائے گا۔
انہوں نے کھیلوں کے فروغ اور کھیلوں سے محبت کرنے والے نوجوانوں کو اپنی صلاحیتوں کے اظہار کے مواقع فراہم کرنے پر منتظمین اور سپانسرز کو بھی سراہا۔ ٹورنامنٹ میں وادی کشمیر کے مختلف اضلاع سے کل 32 ٹیمیں حصہ لیں گی۔ ٹیمیں 50 دنوں کے دوران تقریباً 90 میچز کھیلیں گی اور ٹورنامنٹ کا فائنل اگلے ماہ ہوگا۔ ٹورنامنٹ کے آرگنائزر محمد مکرم نے بتایا کہ ٹورنامنٹ کے فاتح کو چار لاکھ روپے اور ٹرافی دی جائے گی جبکہ رنرز اپ کو ایک لاکھ 50 ہزار روپے دیے جائیں گے افتتاحی تقریب میں ایس ڈی پی او پامپور، تحصیلدار پامپور، سول سوسائٹی کے اراکین، میونسپل کمیٹی کھریو کے عہدیداران بھی موجود تھے۔
یہ بھی پڑھیں :
