پلوامہ کے باباہارعلاقے میں سرچ آپریشن ختم

جموں و کشمیر کے ضلع پلوامہ کے باباہار علاقے میں سکیورٹی فورسز اور عسکریت پسندوں کے مابین تصادم ختم ہو گیا ہے۔

پلوامہ کے باباہار علاقے میں عسکریت پسندوں کی موجودگی سے متعلق مصدقہ اطلاع ملنے پر سکیورٹی فورسز نے مذکورہ علاقے کو محاصرے میں لے کر تلاشی کارروائی شروع کردی ہے۔ اس دوران عسکریت پسندوں نے فورسز پر فائرنگ کی جس کے بعد طرفین میں تصادم شروع ہوگیا۔

جس کے بعد فوج نے پورے علاقے کو محاصرے میں لے لیا اور تلاشی کارروائی شروع کر دی جو تقریباً 20 گھنٹوں تک جاری رہی۔

وہیں عسکریت پسندوں نے رات کا فائدہ اٹھایا اور بھاگنے میں کامیاب ہوگئے جس کے ساتھ یہ محاصرہ ختم ہو گیا۔ ساتھ ہی ضلع میں کل سے ہی انٹرنیٹ خدمات کو معطل کر دیا گیا ہے۔

فوج کے 55،50، اور سی آر پی ایف کے 183،182 بٹالین اور پولیس نے علاقے میں رات بھر سرچ آپرشین چلایا۔