پلوامہ کے متعدد گاؤں میں سرچ آپریشن

جنوبی کشمیر کے ضلع پلوامہ کے متعدد گاؤں میں سکیورٹی فورسز نے بڑے پیمانے پر کارڈن اینڈ سرچ آپریشن شروع کر دیا ہے۔

اطلاعات کے مطابق جموں و کشمیر پولیس، فوج کی 55، 53 آر آر اور سی آر پی ایف کی 182، 183 بٹالین نے مشترکہ طور پر رہمو، گوسو، مورن، اشمنندر اور دیگر ملحقہ علاقوں کو محاصرے میں لے کر تلاشی کارروائی شروع کر دی ہے۔

ذرائع کے مطابق، عسکریت پسندوں کی موجودگی کے بارے میں مخصوص اطلاع ملنے کے بعد فورسز نے ان علاقوں میں اتوار اور پیر کی درمیانی شب سرچ آپریشن شروع کیا ہے۔

بتا دیں کہ جموں و کشمیر میں سکیورٹی فورسز نے عسکریت پسندوں کے خلاف کارروائی تیز کر دی ہے۔ گزشتہ روز ضلع ڈوڈہ میں ایک تصادم میں ایک عسکریت پسند کو ہلاک کر دیا گیا تھا۔

ادھر ترال کے ڑٹھسونہ گاو ں کا فوج اور سی آر پی ایف نے محاصرہ کر لیا ہے۔ تمام داخلی اور خارجی راستوں پر پہرے بٹھا دئیے گئے ہیں اور خانہ تلاشییوں کا سلسلہ بھی شروع ہوا ہے آخری اطلاعات ملنے تک تلاشییوں کا سلسلہ جاری ہے