پلوامہ: وادیٔ کشمیر میں گذشتہ دنوں سے عسکریت پسندوں کی جانب سے سرینگر، پلوامہ اور بارہمولہ میں حملوں کے بعد جہاں سکیورٹی کو چوکس کیا گیا ہے۔ وہیں آج جنوبی کشمیر کی سکیورٹی صورتحال کا جائزہ لینے کے لیے وکٹر فورس ہیڈ کوارٹر اونتی پورہ میں ایک اعلیٰ سطح کی سکیورٹی جائزہ میٹنگ کا اہتمام کیا گیا تھا جس کی صدارت جی او سی وکٹر فورس میجر جنرل بلبیر سنگھ نے کی۔ جب کہ میٹنگ میں فوج، سی آر پی ایف اور پولیس کے کئی ایس ایس پیز جن میں ایس ایس پی پلوامہ محمد یوسف، ایس ایس پی اونتی پورہ اعجاز زرگر قابل ذکر ہیں، نے شرکت کی۔
یہ بھی پڑھیں:
Drug Peddler Arrested in South Kashmir: اونتی پورہ پولیس نے منشیات فروش کو کیا گرفتار
معلوم ہوا ہے کہ میٹنگ کے دوران سکیورٹی گرڈ کو مزید بہتر بنانے اور جنوبی کشمیر میں سلامتی صورتحال کو برقرار رکھنے کے لیے سیر حاصل بحث کی گئی اور اس بات کو یقینی بنانے کی ضرورت پر زور دیا گیا کہ پورے علاقہ میں امن و امان قائم کرنے پر فوکس کیا جائے۔ دشمن اور ملک دشمن عناصر کو موقع نہ دیا جائے۔ بتادیں کہ یو ٹی حکومت کی جانب سے لگاتار یہ دعوے کیے جا رہے ہیں کہ دفعہ 370 کی تنسیخ کے بعد عسکری سرگرمیاں کم ہوگئی ہیں اور کشمیر میں امن لوٹ رہا ہے۔ تاہم گزشتہ دنوں سے ہورہی ہلاکتیں سکیورٹی ایجنسیوں کے لیے بھی مسئلہ بن گئی ہیں۔
