Power Outage in Pulwama پلوامہ کے گوڈرہ علاقے کے لوگ محمکہ بجلی سے نالاں

پلوامہ کے گوڈرہ علاقہ کے لوگوں نے شکایت کی کہ ایک ماہ قبل بجلی ٹرانسفارمر ان کے علاقہ میں نصب تو کیا گیا لیکن ابھی تک اس بجلی ٹرانسفارمر کو ہائی ٹینشن کیبل سے جوڑا نہیں گیا۔ علاقہ کے لوگوں کے مطابق بجلی محکمہ ان سے کیبل کے لیے فی کنبہ 25 سو روپے طلب کر رہا ہے۔ Power Outage in Pulwama

پلوامہ: جنوبی کشمیر کے ضلع پلوامہ کے گوڈرہ علاقے کے لوگوں نے بیک ٹو ولیج میں اپنے علاقے کے کئی مسائل کو اجاگر کیا تھا جس میں علاقے میں ایک بجلی ٹرانسفارمر بھی شامل تھا، جب کہ علاقے کے لوگوں کی شکایات کا ازالہ کرتے ہوئے ان کے علاقے میں ایک ماہ قبل بجلی ٹرانسفارمر نصب تو کیا گیا لیکن ابھی تک علاقے کو اس بجلی ٹرانسفارمر سے بجلی سپلائی نہیں کی گئی۔ Residents of godura pulwama are suffering from power outage

علاقے کے لوگوں کے مطابق اس بجلی ٹرانسفارمر کے لیے 5 لاکھ روپے محمکہ بجلی کو منتقل کردیے گئے ہیں لیکن اس میں صرف ٹرانسفارمر نصب کیا گیا ہے، جب کہ بجلی ٹرانسفارمر کو ابھی تک ایچ ٹی لائن کے ساتھ نہیں چوڑا گیا۔ ایچ ٹی لائن بستی سے گزارنی ہے جس کے لئے محمکہ کو کیبل کا استعمال کرنا ہے۔ مقامی لوگوں نے الزام عائد کرتے ہوئے کہا کہ محمکہ اس کیبل کے عوض میں فی کنبہ 25 سو روپے جمع کرنے کے لیے کہہ رہا ہے۔

مقامی لوگوں نے کہا کہ محمکہ بجلی نے پہلے ہی بجلی فیس میں اضافہ کر رکھا ہے، وہیں اس ٹرانسفارمر کو نصب کرنے کے لیے انہیں رقومات بھی دی گئیں تو محمکہ علاقے کے لوگوں سے پیسے کیوں مانگ رہا ہے۔ علاقہ کے لوگوں نے ضلع انتظامیہ سے اپیل کی کہ وہ اس معاملہ کی جانچ کرے اور انہیں بجلی نئے ٹرانسفامر سے فراہم کرے۔