اس سلسلے میں بلاک میڈیکل آفیسر پانپور نے کہا کہ اب لوگوں کو ٹیسٹ کرانے کے بعد کئی دنوں تک انتظار نہیں کرنا پڑے گا۔ انہوں نے کہا خاص کر حاملہ عورتوں کو بہت دقتوں کا سامنا کرنا پڑ رہا تھا لیکن اب ریپڈ انٹیجن ٹیسٹ کی سہولت میسر ہو جانے سے اس ٹیسٹ کا نتیجہ کچھ منٹوں میں ہی حاصل کیا جا سکتا ہے۔ اس سے ایک تو لوگوں کا وقت ضاٸع نہیں ہوگا وہیں انہیں بار بار ہسپتال بھی نہیں آنا پڑے گا۔
انہوں نے مزید کہا کہ اس سہولت کی وجہ سے عملے کو بھی بہت فاٸدہ ہوگا کیونکہ یہ ٹیسٹ آسانی کے ساتھ ہوتا ہے اور اس میں ہسپتال کے زیادہ تر اہلکار مشغول بھی نہیں رہیں گے۔
بی ایم او نے کہا کہ اس وجہ سے ہمارا کام بھی آسان ہو جائیگا اور لوگوں کو بھی مزید مشکلات کا سامنا نہیں کرنا پڑے گا۔
دریں اثنا کل ہیلتھ بلاک پانپور سے 35 مریض صحت یاب ہو گئے ہیں جن کا ٹیسٹ پہلے مثبت آیا تھا اور اب اُن کا ٹیسٹ منفی آیا ہے۔ میڈیکل افسر نے کہا کہ کل ان 35 افراد کو باضوابطہ طور گھر بھیج دیا گیا ہے۔لیکن انہیں احتیاطی طور گھر میں بھی کچھ دنوں کے لۓ قرنطین رہنا ہوگا ۔
