قرنطینہ مراکز میں جراثیم کش ادویات کا چھڑکائو

جنوبی کشمیر کے پانپور علاقے میں آج بلدیہ محکمے کی جانب سے قرنطینہ مراکز میں جراثیم کُش ادویات کا چھڑکائو کیا گیا۔

کووِڈ19 کے پھیلائو کو روکنے کی غرض سے جہاں انتظامیہ کی جانب سے کئی حفاظتی اقدامات اٹھائے جا رہے ہیں وہیں جمعے کو ضلع پلوامہ کے قصبہ پانپور میں قائم قرنطینہ مراکز میں جراثیم کُش ادویات کا چھڑکائو کیا گیا۔

اسکے علاوہ قرنطینہ مراکز سے متصل ڈرینیج کی صفائی بھی عمل میں لائی گئی۔ مقامی لوگوں نے ان اقدامات پر انتظامیہ کی سراہنا کی۔

قابل ذکر ہے کہ قصبہ پانپور میں فی الوقت تین قرنطینہ مراکز قائم ہیں جہاں سے اب تک بیسیوں افراد قرنطینہ کی مدت مکمل کرنے کے بعد رخصت کیے گئے جبکہ اس وقت سو کے قریب افراد قرنطینہ میں ہیں۔