لاک ڈاؤن: پلوامہ کے نوجوان کی مثبت پہل

کورونا واٸرس کی وجہ سے پوری دنیا پریشانی میں مبتلا ہو چکی ہے اور ہر طرف لوگوں میں بے چینی واضطرابی کا عالم دیکھا جا رہا ہے۔

کھریو پانپور کے جوان مشتاق احمد، اس پریشانی کے عالم میں پریشان حال لوگوں کی خدمت کرنے میں مصروف ہیں اور اپنی دو گاڑیوں کے ذریعے مریضوں کو اسپتال بھی پہنچا رہے ہیں۔

ضلع پلوامہ کے قصبہ کھریو سے تعلق رکھنے والے ستاٸیس سالہ مشتاق احمد کا کہنا ہے کہ 'لاک ڈاؤن کے بعد جب لوگوں میں ہر طرح کی مشکلات بڑھنے لگی تو انہوں نے سب سے پہلے مریضوں کو راحت پہنچانے کے غرض سے اپنی دو گاڑیوں کو پبلک ہیلتھ سینٹر کھریو میں مریضوں کو دوسرے اسپتالوں تک پہنچانے اور لانے کے لیے کام شروع کیا۔ تاکہ لاک ڈاؤن میں مریضوں کو راحت مل سکے۔'

انہوں نے کہا کہ 'مریضوں کو راحت پہنچانے کے بعد انہوں نے اپنے دیگر دوستوں کے ساتھ مل کر غریب اور ضرورت مند لوگوں کی مدد کرنے کے لیے سیکنڑوں فوڈ کیٹس تیار کر کے ضرورت مندوں کے گھروں تک پہنچانا شروع کیا تاکہ انہیں اس مشکل حالات میں پریشانیوں سے دوچار نہ ہونا پڑے۔''

مشتاق نے کہا کہ 'ضلع پلوامہ میں جب انتظامیہ کی جانب سے یہ اعلان کر دیا گیا کہ بنا ماسک کے چلنے پھرنے والوں پر پانچ سو روپیہ جرمانہ عاٸید کیا جائے گا تو انہوں نے بازار سے کپڑا خرید کر تین سو ماسکس سلوا کر لوگوں میں مفت تقسیم کئے۔'

مشتاق نے لوگوں میں کورونا جیسی مہلک بیماری سے بچنے کے غرض سے لوگوں تک جانکاری پہنچانے کے لیے جگہ جگہ پر پوسٹرز لگائے تاکہ لوگوں کو جانکاری حاصل ہو سکھے اور وہ ضروری تدابیر پر عمل کریں۔

مشتاق کا کہنا ہے کہ 'جب تک لاک ڈاؤن ختم نہیں ہوتا ہے تب تک وہ لوگوں کی راحت رسانی کے لیے ان کی مدد کرتے رہیں گے۔'

انہوں نے لوگوں سے اپیل کی ہے کہ وہ گھروں میں بیٹھے اور بلا ضرورت گھروں سے باہر نہ نکلے۔اور اگر انہیں کسی بھی چیز کی ضرورت ہوگی تو وہ ان کی مدد کے لیے پش پیش رہینگے۔

شتاق نے کہا کہ انہیں لوگوں کی خدمت کرنے میں کافی خوشی محسوس ہوتی ہے اور ان کے گھر والے بھی ان کے اس کام میں کافی خوشی محسوس کر رہے ہیں۔