Pulwama police solved theft case پلوامہ میں دوسرے کا اے ٹی ایم کارڈ استعمال کرکے پیسہ نکالنے والا گرفتار

پولیس نے اے ٹی ایم کارڈ مشین سے مبینہ طور پر دوسرے کا اے ٹی ایم کارڈ استعمال کرکے پیسے نکالنے کے الزام میں ایک اے ٹی ایم گارڈ کو گرفتار کیا ہے۔ ملزم نے اے ٹی ایم کارڈ سے 28 ہزار نکالے تھے۔Pulwama police solved theft case

پلوامہ: جنوبی کشمیر کے ضلع پلوامہ کے پولیس کے مطابق 14 نومبر 2022 کو پولیس اسٹیشن راجپورہ کو محمد یوسف ولد عبدالغنی ڈار ساکن توجن پلوامہ نامی ایک شخص کی طرف سے تحریری شکایت موصول ہوئی تھی۔ شکایت کنند گان کے مطابق نامعلوم شخص نے اس کے اکاؤنٹ سے 28 ہزار روپے کی رقم چوری کر لی ہے۔Pulwama police solved theft case

تحریری شکایت کی وصولی پر پولیس اسٹیشن راجپورہ نے ایف آئی آر نمبر 100/2022 درج کی اور تفتیش شروع کردی۔ پولیس نے اس حوالے سے ایک خصوصی ٹیم تشکیل دی اور دوران تفتیش تکنیکی وسائل کی مدد سے یہ بات سامنے آئی کہ ملزم نے ماسک پہنے ہوئے دلی پورہ اے ٹی ایم مشین میں اپنے اے ٹی ایم کارڈ کا استعمال کرکے رقم نکالی ہے۔ مزید تفتیش کے نتیجے میں شبیر احمد پوسوال (پکھیر پورہ اے ٹی ایم پر اے ٹی ایم گارڈ) ولد محمد قاسم پوسوال ساکن سونابنجر راجپورہ نامی شخص کی شناخت ہوئ، جسے پوچھ گچھ کے لیے لایا گیا اور مسلسل پوچھ گچھ کے دوران اس نے اپنے جرم کا اعتراف کیا۔Atm Cash Theft Case Solved

ملزم نے انکشاف پر پولیس نے ان کے قبضے سے 28ہزار روپے کی رقم اور چار دیگر اے ٹی ایم ایس کارڈز مختلف صارفین کے برامد کیے ہیں، جبکہ اس سلسلے میں مزید تفتیش جاری ہے۔پلوامہ پولیس نے کمیونٹی ممبران کو یقین دلایا کہ ایسے افراد کے خلاف سخت کارروائی کی جائے گی جو مجرمانہ کارروائیوں میں ملوث ہیں۔