پلوامہ: پولیس اسٹیشن لیتر، لاسی پورہ کی ایک ٹیم نے لیتر، پلوامہ کے کھیلن علاقے میں اچانک ناکا قائم کیا۔ ناکہ چیکنگ کے دوران پولیس پارٹی نے تین افراد کو مشکوک انداز میں گھومتے دیکھا۔ پولیس کی موجودگی کے باعث تینوں افراد نے فرار ہونے کی کوشش کی تاہم پولیس پارٹی نے انہیں دبوچ کر ان کی تلاشی لی۔ پلوامہ پولیس کے مطابق تلاشی کے دوران ان کی تحویل سے 350 گرام چرس برآمد کر لیا۔ Pulwama Police Arrested Three Drug Peddlers Recovered 350 gm Charas
پلوامہ پولیس نے ملزمان کو موقع پر ہی گرفتار کیا۔ پولیس نے ان کی شناخت کفایت رشید ولد عبد الرشید، نذیر احمد ولد عبد العزیز اور باسط احمد ولد محمد شفیع ساکنان کھیلن، پلوامہ کے طور پر کی ہے۔ جموں و کشمیر پولیس نے معاملے کی نسبت پولیس اسٹیشن لیتر، لاسی پورہ میں ایک مقدمہ زیر ایف آئی آر نمبر 01/23 U/S 8/20 NDPS ایکٹ درج کرکے مزید تحقیقات شروع کر دی ہے۔ Kashmir Drug Menace
مزید پڑھیں: پلوامہ: پولیس کی بڑی کامیابی دو منشیات فروش گرفتار
مقامی باشندوں نے منشیات کے خلاف پلوامہ پولیس کی کوششوں کی سراہنا کی ہے۔ وہیں پلوامہ پولیس نے معاشرے سے منشیات کا قلع قمع کرنے کے لیے منشیات کے کاروبار میں ملوث افراد سے متعلق کسی بھی معلومات کو پولیس تک پہنچانے کی اپیل کی ہے۔
