جموں و کشمیر کے ضلع پلوامہ کے سب ڈسٹرکٹ ترال میں واقع گورنمنٹ ڈگری کالج میں میگا ویکسینیشن پروگرام میں سب ڈسٹرکٹ ہسپتال کے عملہ نے طلبہ کو ویکسین لگائی۔
میگا کووڈ ویکسینیشن پروگرام
اس موقع پر طلبہ کی جانب سے کورونا گائیڈ لائنز کی پاسداری کی گئی اور ویکسینیشن پروگرام کو کامیاب بنانے کے لیے پورا تعاون فراہم کیا گیا۔
کالج کے پروفیسر بشیر احمد شاہ نے ای ٹی وی بھارت کو بتایا کہ 'کورونا وائرس کی تیسری لہر کو روکنے اور طلبہ کو کورونا سے بچانے کے لیے اس پروگرام کا اہتمام کیا گیا تھا جس میں سینکڑوں طلبہ کو ویکسین لگائی گئی۔
انہوں نے کہا کہ ویکسینیشن بہت ضروری ہے کیونکہ اس سے بچوں کے اندر قوت مدافعت بڑھ جاتی ہے اور ذہنی طور پر بھی انسان مستعد رہتا ہے۔
پروفیسر بشیر احمد شاہ نے مزید بتایا کہ یہ پروگرام آنے والے دنوں میں بھی جاری رہے گا۔
