پلوامہ: پانپور قصبہ میں سڑکوں کی میگڈمائزیشن کا عمل جاری

میونسپل کمیٹی پانپور کے چیئرمین نے دعویٰ کیا کہ پانپور میں خستہ حال سڑکوں کی 99فیصد میگڈمائزیشن کا کام مکمل کر لیا گیا ہے۔

ضلع پلوامہ کے قصبہ پانپور میں سڑکوں کی میگڈمائزیشن کا کام شد و مد سے جاری ہے۔ سڑکوں کی مرمت و میگڈمائزیشن پر لوگوں نے اطمینان کا اظہار کیا ہے۔

مقامی لوگوں کا کہنا ہے کہ علاقے کی خستہ حال سڑکوں کی مرمت و میگڈمائزیشن کے حوالے سے انکی دیرینہ مانگ پوری ہو گئی۔ اس سے قبل انہیں خستہ حال سڑکوں کے باعث گونا گوں پریشانیوں سے گزرنا پڑ رہا تھا۔

میونسپل کمیٹی پانپور کے چیئرمین نے کہا کہ میونسپلٹی سمیت دیگر سبھی محکمہ جات لوگوں کو راحت اور سہولیت پہنچانے کے وعدہ بند ہیں۔

انہوں نے دعویٰ کیا کہ پانپور میں خستہ حال سڑکوں کی 99فیصد میگڈمائزیشن کا کام مکمل کر لیا گیا ہے۔