جنوبی کشمیر کے ضلع پلوامہ میں آئی ٹی آئی ترال میں انتظامیہ کی جانب سے ریپڈ ٹیسٹنگ کے دوران 10 افراد کے نمونے مثبت پائے گئے۔
آئی ٹی آئی ترال میں کورونا کے 10مثبت معاملات
مثبت پائے گئے افراد میں آٹھ طلبہ اور عملے کے دو ارکان شامل ہیں۔
جن دس افراد کے ٹیسٹ مثبت پائے گئے انہیں فوری طور ہوم آئیسولیشن میں رکھا گیا ہے جبکہ آئی ٹی آئی ترال میں تمام تدریسی اور غیر تدریسی خدمات کو فی الحال معطل کر دیا گیا ہے۔
دیگر ریاستوں کی طرح جموں و کشمیر میں بھی عالمی وبا کورونا وائرس تیزی سے پھیل رہا ہے۔ وبا کو مزید پھیلنے سے روکنے کے لیے عوام سے ایس او پیز پر سختی سے عمل کرنے کی تلقین کرتے ہوئے مختلف اقدامات کیے جا رہے ہیں جن میں ریپڈ ٹیسٹنگ بھی شامل ہے۔
