ضلع پلوامہ کے قصبہ ترال میں صنعتی شعبہ کو تقویت بخشنے کے لیے انتظامیہ کی جانب سے 50کنال اراضی کی نشاندہی کی گئی۔
سب ضلع ترال میں انتظامیہ نے علاقے میں صنعتی یونٹس قائم کیے جانے کے لیے انڈسٹریل اسٹیٹ کو منظوری دی ہے، اس سلسلے میں ترال ٹاؤن کے نزدیک تکیہ رزاق شاہ میں پچاس کنال سے زائد اراضی کی نشاندہی کی گئی ہے۔
اس ضمن میں گزشتہ روز ایڈیشنل ڈپٹی کمشنر ترال شبیر احمد رینہ نے محکمہ مال کے عہدیداروں کے ہمراہ اراضی کا جائزہ لیا۔
ترال کے باشندوں نے انتظامیہ کے اس فیصلے کو خوش آئند قرار دیتے ہوئے کہا کہ ’’اس سے یہاں کی بے روزگاری بڑی حد تک دور ہو سکتی ہے۔‘‘
ای ٹی وی بھارت کے ساتھ بات کرتے ہوئے مقامی باشندوں نے بتایا کہ ’’ترال میں صنعتی یونٹس قائم ہونے سے علاقے میں ترقی کو نئی جلا ملے گی اور یہاں کے بے روزگار نوجوانوں کو روزگار فراہم ہوگا تاہم ہماری مانگ یہ ہے کہ ترال کے ہی نو جوانوں کو یونٹس قائم کرنے کا موقع دیا جانا چاہئے۔‘‘
مزید پڑھیں؛ پلوامہ: آتشزدگی میں اسکول کی عمارت کو شدید نقصان
ایڈیشنل ڈپٹی کمشنر ترال شبیر احمد رینہ نے بتایا کہ فی الحال پچاس کنال اراضی کی نشاندہی کی گئی ہے مزید اراضی کی نشاندہی بھی عنقریب ہی عمل میں لائی جائے گی۔
یہ بھی پڑھیں؛ ترال: کیا محکمۂ جل شکتی کو کسی حادثے کا انتظار ہے؟
انہوں نے کہا کہ صنعتی یونٹس کے بغیر علاقے میں تعمیر و ترقی ممکن نہیں ہو سکتی۔
