جموں و کشمیر کے پلوامہ میں ضلع سرپنچ ایسوسیشن کے صدر چودھری یار محمد پسوال نے کہا کہ بلاک اچھ گوزہ سے وابستہ سنگروانی، لسڈبن، واسن مرگ، کھیگام، سونہ بنجر، آڑی تراگ، کنی گام وغیرہ کی رابطہ سڑکوں سے ابھی تک پوری طرح برف نہیں ہٹائی گئی ہے جس کے نتیجے میں علاقے کے لوگوں کو آمد و رفت میں سخت مشکلات کا سامنا کرنا پڑ رہا ہے۔
انہوں نے کہا کہ سنگر ونی میں پینے کے پانی کی سخت قلت پائی جارہی ہے جس کی وجہ سے علاقے کے لوگوں کو برف پگھلا کر کھانا پکانے اور پینے کیلئے پانی کا انتظام کرنے پر مجبور ہے جبکہ علاقے میں گزشتہ کئی دنوں سے بجلی بھی غائب ہے۔
انہوں نے ضلع انتظامیہ پلوامہ سے مطالبہ کیا ہے کہ بلاک اچھ گوزہ بلخصوص علاقہ سنگرونی میں لوگوں کو بنیادی سہولیات پہنچانے کے لئے انتظامیہ فوری طور پر اقدامات کرے۔
