ترال: جموں و کشمیر کے ترال میں واقع گورنمنٹ ڈگری کالج انتظامیہ نے آج کہا کہ اس افسوسناک واقعے کے لیے وہ معذرت خواہ ہیں۔ واضح رہے کہ گورنمنٹ ڈگری کالج ترال میں موبائل فون پر پابندی ہے۔ وہیں ایک طالب علم نے کاپی کے اوراق کو بیچ سے کاٹ کر اس میں موبائل فون لے کر آیا تھا۔ اسٹاف ممبر کی چیکنگ کے دوران اس کی کاپی سے موبائل فون برآمد ہوا، جس کی اسٹاف ممبر نے ویڈیو بنالی اور وہ ویڈیو سوشل میڈیا پر وائرل ہوگیا۔
کالج کے پرنسپل مشتاق احمد لون نے صحافیوں کو بتایا کہ سوشل میڈیا پر ویڈیو کو وائرل کرنے والے اسٹاف ممبر کے خلاف ضابطے کے تحت کاروائی ہوگی۔ انہوں نے بتایا کہ کالج اوقات میں موبائل فون کا استعمال منع ہے اور اس حوالے سے والدین کو بھی تعاؤن کرنا چاہیے۔ ان کا مزید کہنا تھا کہ ترال علاقہ ہمیشہ سے ہی علم وادب کا گہوارہ رہا ہے اور اس لیے یہاں کے لوگوں کو حصول علم میں آنے والی دقتوں کا بھی خیال رکھنا چاہیے۔
یہ بھی پڑھیں:
Bajwani Sports Stadium Tral: ترال بجہ ونی اسپورٹس اسٹیڈیم میں پانی کی عدم دستیابی سے کھلاڑی مایوس
