عید الفطر سے قبل گراں فروشی کے خلاف کارروائی کرتے ہوئے جنوبی کشمیر کے قصبہ پانپور میں انتظامیہ نے ایک پولٹری یونٹ کو سیل کر دیا ہے۔
نمائندے کے مطابق پونپور کے فرستہ بل علاقے میں انتظامیہ کے اعلیٰ افسران نے ایک پولٹری یونٹ پر چھاپہ مارا جس دوران وہاں آٹھ سو کلو گرام مرغے ضبط کیے گئے جن کو یونٹ ہولڈر نے مبینہ طور ناجائز منافع خوری کے لیے اسٹاک میں رکھا تھا۔
انتظامیہ نے ان مرغوں کو بازار میں سرکاری نرخنامے کے مطابق بیچنے کے احکامات صادر کیے جبکہ گوشت کو منہ مانگے داموں فروخت کرنے والے قصابوں سے پندرہ ہزار پانچ سو کی رقم جرمانہ کے طور وصول کی گئی۔
عوام نے عید الفطر سے قبل پانپور میں ناجائز منافع خوری اور گراں فروشی کے خلاف انتظامیہ کی کارروائی کی سراہنا کی ہے۔
