عیدالضحیٰ کے پیش نظر منگل کو قصبہ پانپور میں دکانیں کھلتے ہی عوام نے خورو نوش کے علاوہ ملبوسات و دیگر اشیاء کی خریداری کی۔ وہیں قصبہ کے میں بازاروں میں ٹریفک کی نقل و حمل بھی دیکھنے کو ملی۔
عید الاضحی کے پیش نظر قصبہ پانپور کے بازاروں میں رونق
ضلع میں کورونا متاثرین کی تعداد میں اضافے کے بعد لاک ڈاؤن نافذ کیا گیا تھا تاہم عید کے پیش نظر انتظامیہ نے دو دنوں تک بندشوں میں رعایت دینے کا اعلان کیا تھا۔
انتظامیہ نے دکانداروں کو رہنمایانہ خطوط کی پاسداری کرنے پر زور دیتے ہوئے عوام سے بھی وضع کیے گئے قواعد و ضوابط کو ملحوظ رکھ کر ہی خریداری کرنے کی تلقین کی ہے۔
انتظامیہ نے رہنمایانہ خطوط کی خلاف ورزی کرنے والوں کے خلاف سخت کارروائی کا عندیہ دیا ہے۔
