سب ضلع ترال میں جہاں ان دنوں سڑکوں کی تعمیر وتجدید کا عمل ہنگامی بنیادوں پر جاری ہے وہیں عوامی حلقوں کی طرف سے لرگام واگڈ سڑک پر کام بند کرنے اور سعید آباد سڑک پر کام میں سست رفتاری کی شکایات کے بعد آج ایڈشنل ڈپٹی کمشنر ترال شبیر احمد رینہ نے ازخود ترال کے مختلف سڑکوں پر جاری کام کا جائزہ لیا۔
دھوبی ون سیر جاگیر سڑک کا جائزہ لینے کے بعد موصوف نے اطمینان کا اظہار کرتے ہوئے کہا کہ میکڈمایزیشن کے لیے وقت تیزی سے نکل رہا ہے اور انتظامیہ کی کوشش ہے کہ جلد از جلد ترال علاقے میں واقع سڑکوں پر کول تار بچھانے کا عمل تیز کر دیا گیا ہے, جبکہ لرگام سے واگڈ تک سڑک پر کول تار بچھانے کا عمل ایک ہفتے کے اندر اندر شروع کیا جائے گا۔
یہ بھی پڑھیں: ترال: سڑکیں ہیں یا جھیل؟
ای ٹی وی بھارت کے ساتھ بات کرتے ہوئے بتایا ایڈشنل ڈپٹی کمشنر ترال شبیر احمد رینہ نے بتایا کہ عوام کی ان کی کوشش ہے کہ ترال علاقے میں میکڈمایزیشن کا عمل مقررہ وقت پر مکمل کیا جائے۔
