قصبہ پانپور کے گالندر میں قومی شاہراہ پر اُس وقت ایک دلدوز حادثہ پیش آیا جب اونتی پورہ سے پانپور کی طرف جا رہی ایک ڈمپر ٹیپر گاڑی نے ایک سویفٹ کار کو ٹکر مار دی۔ اس کے نتیجے میں سویفٹ میں سوار چار افراد میں سے ایک کی موقع پر ہی موت ہوئی جبکہ مزید دو افراد کو شدید زخمی حالت میں سب ڈسٹرکٹ اسپتال پانپور منقل کیا گیا ہے۔ جن کا اسپتال میں علاج و معالجہ ہو رہا ہے۔
حادثے کے فوراً بعد پانپور پولیس نے جائے واردات پر پہنچ کر گاڑی کے نیچے دبے دو زخمیوں کو بچا لیا ہے، تاہم ایک شخص کی اس حادثے میں موت واقع ہو چکی تھی۔
یہ بھی پڑھیں: کسانوں کا حکومت سے منڈی کھولنے کا مطالبہ
پولیس کے مطابق حادثے میں محمد رضا ولد جمال احمد ہلاک ہوئے ہیں، جکہ رفاقت احمد ولد بشیر احمد اور معشوق احمد ولد محمد رمضان شدید طور پر زخمی ہوئے۔ پولیس نے اس سلسلے میں کیس درج کر کے مزید تحقیقات شروع کر دی ہے۔
