ترال: جنوبی کشمیر کے ہندورہ ترال میں منعقد شان مصطفیٰ صلی علیہ وسلم کانفرنس میں ہندورہ، لرو جاگیر، لرگام، واگڈ اور مضافاتی دیہات سے عقیدت مندوں کی ایک بڑی تعداد نے شرکت کی۔ علمائے کرام نے سامعین پر زور دیا کہ وہ عشق نبی صلی علیہ وسلم کو اپنے دلوں میں جگہ دیں کیونکہ موجودہ دور میں گستاخانہ بیانات سے نبی اکرم صلی الله عليه وسلم کے عشاق کا امتحان لیا جاتا ہے تاہم مسلمانوں کو اس نازک موڈ پر عملی طور پر ثابت کرنا ہے کہ وہ کس بلند پایہ پیغمبر کے امتی ہیں اس کانفرنس میں عقیدت مندوں کے لیے ظہرانے کا اہتمام کیا گیا تھا۔
وہیں جموں و کشمیر کی ترقی اور عالمی امن کے لیے خصوصی دعاؤں کا اہتمام کیا گیا۔ ای ٹی وی بھارت کے ساتھ بات کرتے ہوئے ادارہ اوقاف اسلامیہ کے چیئرمن مولانا محمد یاسین ہمدانی نے بتایا کہ آج کی کانفرنس کا بنیادی مقصد یہ رہا کہ کس طرح دینی رجحان سماج میں پیدا کیا جاسکے۔
یہ بھی پڑھیں: Workshop for Beekeepers: مگس بانی صنعت کے لیے ورکشاپ کا انعقاد
