میونسپل کمیٹی پانپور میں آج چیئرمین کی حثیت سے عہدہ سنبھالنے کے بعد نئے چیئرمین محمد یعقوب ملک نے میونسپل افسروں اور دیگر اہلکاروں کے ساتھ ایک اہم میٹنگ طلب کی، جس میں انہوں نے مونسپل کمیٹی کے عہدیداروں اور ذمہ داروں کو مستعدی کے ساتھ کام کرنے کو کہا۔
انہوں نے قصبہ پانپور کو ترقی یافتہ بنانے اور عام لوگوں کے مسائل کو حل کرنے کے لیے بھی متعلقہ افسروں پر زور دیا۔
اس موقع پر انہوں نے میڈیا سے بات کرتے ہوئے کہاکہ میونسپل کمیٹی لوگوں کی فلاح و بہبودی کے لیے ہر کام کرنے کی کوشش کرے گی۔ انہوں نے کہا کہ آج سے پہلے اگر کچھ خامیاں رہی ہوگی تو ان خامیوں کو دور کرنے کی وہ کوشش کریں گے۔'
میونسپل چیئرمین نے کہا کہ' مونسپل کمیٹی پانپور آج سے ہر معاملے اور ہر سطح پر لوگوں کے ساتھ تعاون کرے گی۔ انہوں نے کہا میونسپل حدود میں آنے والے لوگوں کو اگر کسی طرح کا بھی مسئلہ ہوگا تو وہ ذاتی طور اس مسئلے میں مداخلت کر کے لوگوں کے پریشانی کو دور کرنے کی کوشش کریں گے'۔
