پانپور میں انہدامی کاروائی

انہدامی کاروائی کو انجام دینے کے لیے مونسپل کمیٹی کے ایگزیکیٹیو افسر، سیکرٹری مونسپل کمیٹی پانپور اور دیگر عملے کے علاوہ پانپور پولیس بھی موجود رہی۔

میونسپل کمیٹی پانپور کی جانب سے آج قصبہ پانپور کے مین مارکیٹ میں ایک انہدامی مہم چلاٸی گٸ جس کے تحت قصبہ پانپور کے درنگہ بل، نملہ بل اور کدلہ بل پانپور کے بازاروں سے غیر ضروری طور تعمیر کیے گئے ڈھانچوں کو منہدم کیا گیا ہے جبکہ چھاپڑیوں اور غیر قانونی طور پارک کیے گئے گاڑیوں کو بھی سڑکوں سے ہٹایا گیا۔

اس انہدامی کاروائی کو انجام دینے کے لیے مونسپل کمیٹی کے ایگزیکیٹیو آفسر، سیکرٹری مونسپل کمیٹی پانپور اور دیگر عملے کے علاوہ پانپور پولیس بھی موجود رہی۔ ایگزیکیٹیو افسر پانپور محمد اقبال نے کہا کہ اس مہم کا مقصد اُن غیر ضروری چھاپڑیوں اور غیر قانونی طور تعمیر کیے گئے ڈھانچوں کو ہٹانا تھا جن کی وجہ سے ٹرانسپورٹروں کو چلنے پھیرنے میں بے حد دشواریوں کا سامنا کرنا پڑ رہا ہے۔انہوں نے کہا چھاپڑیوں اور ڈھانچوں کے علاوہ سڑکوں پر غیر قانونی طور پارک کۓ گۓ گاڑیوں کو بھی وہاں سے ہٹا لیا گیا ہے تاکہ سڑکوں پر ٹرٸفک جام نہ ہو جاۓ۔ایگزیکیٹیو افسر نے مزید کہا کہ دکانداروں کو کچھ روز پہلے نوٹس بھی دی گٸ تھی لیکن اس کے بعد بھی انہوں نے خود سن ڈھانچوں کو نہیں ہٹایا جس وجہ سے وہ یہ کاروآٸی کرنے پر مجبور ہو گۓ۔انہوں نے دکانداروں، چھاپڑی فروشوں اور ٹرانسپورٹروں سے تنبیاہ کیا ہے کہ وہ قانون کی پاسداری کرتے ہوۓ غیرقانونی طور سڑکوں پر قبضہ نہ جماۓ بصورت دیگر ان کے خلاف سخت قانونی کاروآٸی کی جاۓ گی۔