ضلع پلوامہ کے ڈاڈسرہ، ترال میں ایڈشنل ڈپٹی کمشنر شبیر احمد رینہ نے دیہی ترقی محکمہ کی جانب سے تعمیر کی گئی ڈیڑھ کلومیٹر طویل سڑک کا افتتاح 1.5 Km long Road Inagurated in Dadsara, Tralکیا۔
افتتاحی تقریب کے موقع پر بی ڈی او ڈاڈسرہ سمیت علاقے کے درجنوں باشندے موجود تھے۔ انتظامیہ کے مطابق یہ سڑک تیس لاکھ روپے مالیت سے تعمیر کی گئی ہے۔
اے ڈی سی ترال نے میڈیا کے ساتھ گفتگو کرتے ہوئے کہا کہ انتظامیہ کی جانب سے سڑک رابطوں کی بحالی پر کافی زور دیا جا رہا ہے اور گزشتہ برسوں کے دوران ترال کے کئی علاقوں میں درجنوں کلومیٹر طویل سڑکیں تعمیر کی گئی ہیں۔ انہوں نے مزید کہا کہ ’’یہ سلسلہ جاری رہے گا۔‘‘
انہوں نے کہا کہ ’’ڈاڈسرہ میں تعمیر کی گئی نئی سڑک سے نہ صرف ڈاڈسرہ بلکہ مضافاتی دیہات میں زرعی انقلاب آئے گا۔‘‘
مزید پڑھیں: ترال: خستہ حال سڑک کی میکڈمائزیشن نہ کرنے پر مقامی لوگوں کا احتجاج
مقامی باشندوں نے سڑک کی تعمیر کے حوالے سے محکمہ دیہی ترقی سمیت تحصیل انتظامیہ کی ستائش کی۔ اے ڈی سی نے سڑک پر عنقریب ہی میگڈم بچھائے جانے کی یقین دہانی کی۔
