جنوبی کشمیر South Kashmir کے ضلع پلوامہ میں محکمہ صحت کی جانب سے پانپور قصبہ کے مختلف سرکاری دفاتر میں ماس ویکسینیشن ڈرائیو کا آغاز Vaccination Drive in Pampore کیا گیا۔
پانپور قصبہ کے سرکاری دفاتر میں ماس ٹیسٹنگ
ویکسینیشن سے قبل ملازمین کی کورونا ٹیسٹنگ عمل میں لائی جارہی ہے۔
محکمہ صحت کے افسران نے بتایا کہ عالمی وبا کورونا وائرس کے پھیلاؤ کو روکنے کے لیے رہنما خطوط کی پاسداری کے ساتھ ساتھ ویکسینیشن بھی ناگزیر ہے۔
انہوں نے کہا کہ قصبہ پانپور کے مختلف سرکاری دفاتر میں ماس ویکسینیشن سے قبل ماس ٹیسٹنگ عمل میں لائی جا رہی ہے تاکہ ویکسینیشن سے قبل کورونا وائرس مثبت کیسز کا پتہ لگایا جا سکے۔
انہوں نے مزید کہا کہ اگر کسی بھی شخص کی کورونا رپورٹ مثبت پائی جائے گی تو انہیں ویکسین سے قبل قرنطینہ میں رکھا جائے گا۔
