ضلع پلوامہ کے گوسو علاقے میں ایک 30 سالہ شخص کی لاش درخت سے لٹکی ہوئی ملی۔ بتایا جاتا ہے کہ یہ شخص 24 گھنٹوں سے لاپتہ تھا۔
متوفی کی شناخت فردوس احمد وانی ولد غلام محمد وانی ساکن گوسو پلوامہ کے بطور ہوئی ہے۔ وہ کل سہ پہر سے لاپتہ تھا اور آج وہ گوسو میں اپنے گھر کے قریب ایک باغ میں لٹکا ہوا ملا۔ فردوس پیشہ سے ڈرائیور تھا۔ اور اس کے دو بچے بھی ہیں جو اب باپ کے سائے سے محروم ہو گئے ہیں۔
یہ بھی پڑھیے
ایک اور کشمیری خاتون جوبائیڈن کے وائٹ ہاؤس ٹیم میں شامل
وہیں پولیس نے بھی تصدیق کی کہ انہیں فردوس کی لاش ایک درخت سے لٹکی ہوئی ملی۔ جس کے بعد لاش کو پوسٹ مارٹم کے لیے بھیج دیا گیا ہے۔ پولیس نے اس سلسلہ میں مقدمہ درج کر کے تحقیقات بھی شروع کر دی ہے۔
