کشمیر: لاپتہ نوجوان کے گھر والوں کی دردمندانہ اپیل

جنوبی کشمیر کے اونتی پورہ سے حالیہ دنوں لاپتہ ہوئے ایک نوجوان کے گھر والوں نے اپنے بیٹے کو ڈھونڈنے کی عوام سے اپیل کی ہے۔

ضلع پلوامہ کے چرسو، اونتی پورہ علاقے سے ایک 19 سالہ طالب علم کئی دنوں سے لاپتہ ہے، لاپتہ نوجوان کے والدین نے عوام سے اپنے بیٹے کو ڈھونڈنے یا اس کے متعلق خبر دینے کی اپیل کی ہے۔

چرسو، اونتی پورہ کے رہنے والے محمد شفیع بٹ کے مطابق ان کا 19سالہ بیٹا شعیب 12جولائی کو صبح گھر سے نکلا اور واپس نہیں آیا۔

محمد شفیع کے مطابق انہوں نے شعیب کو ڈھونڈنے کی بہت کوشش کی تاہم انہیں شعیب کا کہیں سراغ نہیں ملا، بالآخر انہوں نے اونتی پورہ پولیس اسٹیشن میں گمشدگی کی ایک رپورٹ درج کی۔

قابل ذکر ہے کہ شعیب اپنے والدین کا اکلوتا بیٹا ہے جو پیرا میڈیکل کا طالب علم ہے۔

اونتی پورہ پولیس نے معاملہ درج کرکے شعیب کا پتہ لگانے کی یقین دہانی کی۔