تنخواہ میں تخفیف کے خلاف بینک سیکورٹی گارڈز کا احتجاج

جنوبی کشمیر کے ضلع پلوامہ میں اے ٹی ایم سیکورٹی گارڈز نے احتجاج کرتے ہوئے دعویٰ کیا کہ بعض افراد جو عرصہ دراز سے بطور گارڈ کام کر رہے ہیں، ان کو بلا وجہ نوکروں سے برطرف کیا جا رہا ہے۔

وادی کشمیر کے دیگر اضلع کی طرح ضلع پلوامہ میں بھی اے ٹی ایم گارڈز نے احتجاجی مظاہرہ کیا۔

احتجاج کر رہے اے ٹی ایم گارڈز نے دعویٰ کیا کہ ان کی تنخواہ میں تخفیف کی جا رہی ہے۔ وہیں انہیں متعلقہ کمپنی کی جانب سے مختلف پریشانیوں میں مبتلا کیا جا رہا ہے۔

انہوں نے جے کے بینک انتظامیہ سے متعلقہ کمپنی کو بائی پاس کرکے عرصہ دراز سے بینک میں بطور گارڈز کام کر رہے افرد کو بینک کی جانب سے براہ راست گارڈ مقرر کیے جانے کا مطالبہ کیا۔

مظاہرین نے الزام عائد کرتے ہوئے کہا کہ بعض افراد جو عرصہ دراز سے کمپنی کے ساتھ وابستہ ہیں، ان کو بلا وجہ نوکروں سے برطرف کیا جا رہا ہے جو سراسر نا انصافی ہے۔

انہوں نے مزید کہا کہ متعلقہ کمپنی کی جانب سے ماہانہ مشاہرے میں اضافے کے برعکس ان کی تنخواہ میں کمی کی جا رہی ہے۔

اعداد وشمار کے مطابق وادی بھر میں مختلف بینکوں میں بطور گارڈز کام کر رہے 3500 افراد نے احتجاج درج کیا۔