نوجوانوں میں قوت ارادی کو بڑھاوا دینے اور ان کی حوصلہ افزائی کرنے کے لیے اونتی پورہ پولیس نے آج حال ہی میں جے ای ای مینس میں کامیابی حاصل کرنے والے امیدواروں کے لیے ایک تقریب کا اہتمام کیا، جس میں ایس ایس پی اونتی پورہ طاہر سلیم نے ان امیدواروں کے ساتھ بات چیت کی اور ان کے ساتھ تبادلہ خیال کیا۔
کامیاب امیدوار
طاہر سلیم نے بتایا کہ ترال علاقہ ہمیشہ سے ہی علم و ادب کا مرکز رہا ہے اور یہاں کے نوجوانوں میں صلاحیتوں کی کمی نہیں ہے۔ انھوں نے جے ای ای مینس کے ان امیدواروں کو مبارک باد پیش کی اور کہا کہ ان کی کامیابی سے نوجوان نسل کو تحریک ملے گی۔
اس موقع پر ترال علاقے سے تعلق رکھنے والے ان امیدواروں کو توصیفی اسناد اور مومنٹو دیے گئے۔ امیدواروں نے پولیس کی اس کاوش کو سراہا۔
