پلوامہ: جنوبی کشمیر کے ضلع پلوامہ میں جموں و کشمیر پولیس نے ہائر سیکنڈری اسکول وصوراہ میں سائبر کرائم سے متعلق آگاہی پروگرام کا انعقاد عمل میں لایا۔ J&K Police Holds Cyber Crime Awareness Program in Pulwama آگاہی پروگرام میں ہائر سیکنڈری اسکول کے اساتذہ و تلامذہ کے علاوہ پلوامہ پولیس کے افسران نے شرکت کی۔ پولیس افسران نے حاضرین کو سائبر کرائم سے متعلق آگاہی فراہم کی۔
ایس ایچ او لیتر نے حاضرین کو آن لائن شاپنگ و سرفنگ کے دوران اپنی شناخت خصوصا کریڈٹ و ڈیبٹ کارڈ کے صحیح استعمال پر زور دیا۔ Cyber Crime Awareness Program in Pulwama انہوں نے کریڈٹ و ڈیبٹ کارڈ فراڈ، ڈیٹا چوری، سائبر اسٹالنگ، فشنگ وغیرہ دیگر سائبر کرائمز کے بارے میں حاضرین کو آگاہ کیا۔ وہیں طلبہ کو عریانیت و فحاشی کی تشہیر، کسی خاص طبقے خصوصا صنف نازک کی کمنٹس کے ذریعے تذلیل سے باز رہنے پر بھی زور دیا۔
پلوامہ پولیس نے موبائل فون کے غلط استعمال سے بچنے پر زور دیتے ہوئے کہا کہ زیادہ تر انٹرنیٹ کا استعمال موبائل فون کے ذریعے ہی کیا جاتا ہے۔ Cyber Crime Awareness Program for Pulwama Students طلبہ کو سوشل میڈیا کا صحیح استعمال کرنے پر زور دیتے ہوئے انہیں اپنے سوشل میڈیا اکائنٹس، آن لائن بینکنگ وغیرہ کا پاس ورڈ کسی بھی صورت میں شیئر نہ کرنے پر زور دیا گیا۔
- مزید پڑھیں: اننت ناگ: سائبر کرائم کے تعلق سے بیداری پروگرام
طلباء کو E-Cop ایپلیکیشن اور اس کی خصوصیات کے بارے میں بھی آگاہ کیا گیا۔ Awareness Program on Cyber Crimes ایس ایچ او نے طلباء پر بھی زور دیا کہ وہ مقابلہ جاتی امتحانات کے لیے ابھی سے ہی تیاری کرنے کا مشورہ دیا گیا۔ وہیں طلبہ، اسکول انتظامیہ سمیت سیول سوسائٹی ممبران نے تعلیمی اداروں میں اس طرح کے پروگرام منعقد کرنے پر پلوامہ پولیس کا شکریہ ادا کرتے ہوئے مستقبل میں اس طرح کے مزید پروگرامز کے انعقاد کی امید ظاہر کی۔
