اطلاعات کے مطابق حکام نے ابھی کچھ دیر قبل جنوبی کشمیر کے اونتی پورہ پولیس ڈسٹرکٹ کے تحت آنے والے علاقوں میں انٹرنیٹ خدمات معطل کردی ہیں۔ خبروں کے مطابق انتظامیہ نے یہ قدم کل دوسرے مرحلے کے تحت ترال میں ووٹنگ کے حوالے سے اٹھایا ہے۔
خیال رہے کہ ڈی ڈی سی انتخابات کے تحت کل دوسرے مرحلے میں ترال بلاک میں ووٹنگ ہونی ہے۔ ووٹنگ کو پر امن طریقے سے منعقد کرنے کے لیے سیکورٹی کے معقول انتظامات کیے گیے ہیں۔
واضح رہے کہ ترال بلاک میں ووٹروں کی کل تعداد 26661 ہے جبکہ بلاک میں 60 پولنگ بوتھز قائم کیے گئے ہیں۔ مجموعی طور سے یہاں دس امیدوار میدان میں ہیں۔
