میڈورہ ترال میں ہولناک آتشزدگی، پورا کنبہ آسمان کے نیچے زندگی گزار پر مجبور

جنوبی کشمیر کے میڈورہ ترال علاقے کی ایک مکان میں اچانک آگ لگ گئی۔ آگ اتنی ہولناک تھی کہ پورے مکان کواپنی زد میں لے لیا۔

تفصیلات کے مطابق غلام حسن چوپان شہری کے مکان میں گزشتہ کل اچانک آگ لگ گئی اور پورے مکان کو اپنی زد میں لے لیا۔ مقامی لوگوں اور فائر اینڈ ایمرجنسی اہلکاروں کی مدد سے آگ کو مزید پھیلنے سے روکا گیا۔ تاہم مذکورہ شہری کا مکان جل کر راکھ کی ڈھیر میں تبدیل ہوگیا۔ اس ایک منزلہ مکان میں مذکورہ شہری کے تین بیٹے علاحدہ رہتے تھے جو اب بے گھر ہوگئے ہیں اور آسمان تلے زندگی زندگی گزارنے پر مجبور ہیں۔

ای ٹی وی بھارت سے بات کرتے ہوئے گھر کی بہو نے کہا کہ وہ لوگ اب کھلے آسمان کے نیچے زندگی گزارے پر مجبور ہیں۔ ان کے گھر کا پورا ساز و سامان آگ کی زد میں آنے سے برباد ہوگیا ہے اب ان کے پاس کچھ نہیں بچا ہے۔ انہوں نے انتظامیہ سے مدد کی اپیل کی'۔

وہیں مقامی اوقاف کے ایک ذمہ دار نے بتایا کہ مذکورہ شہری کے پاس زراعت کے لیے زمین تک نہیں ہے۔ مذکورہ شخص کو مدد کی ضرورت ہے اس لیے انتظامیہ کے ساتھ ساتھ صاحب ثروت کو بھی آگے بڑھ کر مدد کے لیے آگے آناچاہیے'۔

اس دوران اپنی پارٹی کے سینیر لیڈر اوتار سنگھ ترالی نے آج میڈورہ ترال کا دورہ کیا۔ انہوں نے متاثر غلام حسن چوپان سے بھی ملاقات کی۔ اوتار سنگھ نے غمزدہ خاندان کو بھروسہ دلایا کہ وہ اس مفلوک الحال کنبے کو اکیلا نہیں چھوڑیں گے۔ انہوں نے ضلع انتظامیہ سے اپیل کی کہ وہ اس خاندان کی بھرپور مالی مدد کریں تاکہ موسم سرما سے قبل ان کا گھر تیار ہوجائے'۔