کاکاپورہ میں جراثیم کُش ادویات کا چھڑکاؤ

سوشل ورکرز کمیٹی تنظیم کے جنرل سیکریٹری علی محمد نے کہا کہ علاقے میں مثبت کیسز کی بڑھتی تعداد تشویشناک ہے۔ اس لیے جراثیم کُش ادویات کا چھڑکاؤ کیا گیا۔

جموں و کشمیر کے جنوبی ضلع پلوامہ کے کاکاپورہ علاقہ میں کورونا کے متعدد مثبت کیسز سامنے آنے کے بعد سوشل ورکرز کمیٹی پلوامہ کی جانب سے پرائمری ہیلتھ سینٹر کاکاپورہ میں جرثیم کش ادویات کا چھڑکاؤ کیا گیا۔

کورونا وائرس سے حفاظت اور اس کے پھیلاؤ کو روکنے کے لیے سوشل ورکرز کمیٹی نے یہ مہم شروع کی۔ سوشل ورکرز کمیٹی ایک غیر سیاسی تنظیم ہے اور کووڈ 19 کے پھیلاؤ کو روکنے کے لئے جراثیم کُش ادویات کے چھڑکاؤ سمیت دیگر کام انجام دیے گئے ہیں۔اس موقع پر تنظیم کے جنرل سیکریٹری علی محمد نے کہا کہ علاقے میں مثبت کیسز کی بڑھتی تعداد تشویشناک ہے۔ اس لئے جراثیم کُش ادویات کا چھڑکاؤ کیا گیا۔انہوں نے لوگوں سے گزارش کی کہ وہ غیر ضروری گھروں سے نہ نکلے اور کورونا وائرس سے متعلق بچاؤ اور اس کے پھیلاؤ کو روکنے کے لئے حکومت اور طبی ماہرین کی جانب سے جاری کردہ ایڈوائزری (رہنما خطوط) پر عمل پیرا ہونا چاہئے۔