جموں و کشمیر کے جنوبی ضلع پلوامہ میں انتطامیہ نے پانچ روزہ لاک داؤن کا اعلان کیا ہے۔ لاک ڈاؤن کے دوران کاروباری اداروں سمیت پبلک ٹرانسپورٹ کو بھی بند رکھا جائے گا۔
آج سے شروع ہونے والے پانچ روزہ لاک ڈاؤن کا ضلع میں خاصہ اثر دیکھنے کو مل رہا ہے۔ ضلع میں تمام کاروباری ادارے بند اور پبلک ٹرانسپورٹ بھی معطل ہے۔
ضلع انتظامیہ نے سماجی دوری اور ایس او پیز کی پاسداری نہ کرنے پر قانونی کاروائی کرنے کا انتباہ دیا ہے۔
یہ بھی پڑھیں: سرینگر کے 88 مقامات ریڈ زون قرار
ضلعی حکام کا کہنا ہے کہ اعلان کردہ کنٹینمنٹ زونس میں نقل و حمل پر مکمل طور پابندی عائد کی گئی ہے۔
واضح رہے ضلع میں پہلے ہی 40 سے زائد دیہات کو ریڈ زون جبکہ 17 دیہات کو کنٹینمنٹ زون قرار دیا گیا ہے۔
انتظامیہ نے متعلقہ عہدیداروں کو ہدایت دی ہے کہ وہ ریڈ زونس اور بفر زونس میں آنے والے دیہات میں طے شدہ پروٹوکول کے مطابق ضروری اشیاء کی فراہمی کو یقینی بنائے۔
