شدید سردی کے بیچ بوچھو ترال میں دوران شب نقب زنوں نے پانچ کنبوں سے لاکھوں روپے کی مالیت کے زیورات اور نقد روپے اڑا لیے ہیں، Thieves Stole Gold and Cash Worth Millions of Rupees from Five Families، جس کی وجہ سے متاثرہ کنبوں نے پولیس میں شکایت درج کرائی ہے۔ چوری کی بڑھتی ہوئی وارداتوں سے گاؤں میں تشویش کی لہر دوڈ گئی ہے۔ کیونکہ بیک وقت گاؤں میں پانچ گھروں کے اندر چوری ہوئی ہے۔
جن گھروں میں چوری کی واردات پیش آئی ہیں ان میں علی محمد بیگ، بشیر احمد، شمیمہ بانو، سجاد احمد، اورعبدالمجید شامل ہیں۔ مقامی لوگوں نے بتایا کہ اس سے قبل بھی علاقے میں چوری کی وارداتیں انجام دی گئی تھیں۔ لیکن نقب زنوں کو پکڑنے میں پولیس ناکام رہی ہے۔
اس سے قبل بھی ترال علاقے میں چوری کی کئی وارداتیں پیش آچکی ہیں، لیکن آج تک ان وارداتوں میں ملوث افراد کو پکڑا نہیں گیا ہے جس سے یہ بات صاف ہوتی ہے کہ پولیس معاملے کو سنجیدگی سے نہیں لے رہی ہے۔
- مزید پڑھیں: Two Theft Case Solved in Ganderbal: گاندربل میں چوری کے دو معاملات حل, پانچ افراد گرفتار، مال مسروقہ برآمد
اس دوران ایس ایچ او ترال منیر احمد نے بتایا کہ بوچھو میں ہوئی چوری کی واردات کے بارے ميں پولیس تحقیقات کررہی ہے اور جلد ہی ملوث افراد کو گرفتار کیا جائے گا۔
