لیتہ پورہ: ٹن شیڈ اسٹور میں بھیانک آتشزدگی

فائر سروس اسٹیشن کے جوانوں نے آگ بجھانے کی کوشش کی۔ تاہم تب تک پانچ کمروں پر مشتمل اسٹور پوری طرح سے جل کر خاکستر ہو چکا تھا۔

جموں و کشمیر کے جنوبی ضلع پلوامہ کے لیتہ پورہ میں واقع ٹریننگ سینٹر کے قریب آگ کی ہولناک واردات میں لاکھوں روپے کی مالیت کا سامان راکھ کی ڈھیر میں تبدیل ہو گیا۔

آئی آر پی 23 بٹالین ٹریننگ سینٹر لیتہ پورہ پانپور کے قریب پانچ کمروں پر مشتمل ٹین شیڈ اسٹور میں آج تقریباً گیارہ بجے کے قریب اچانک آگ نمودار ہوئی جس نے پورے اسٹور کو اپنی لپیٹ میں لے لیا۔ اگر چہ فائر سروس اسٹیشن کے جوانوں نے آگ بجھانے کی کوشش کی۔ تاہم تب تک پانچ کمروں پر مشتمل اسٹور پوری طرح سے جل کر خاکستر ہو چکا تھا۔

آگ لگنے کی وجہ شارٹ سرکٹ بتائی جا رہی ہے۔