جموں کشمیر کے ترال گلاب باغ میں آج دوپہر ولی محمد لون کے مکان میں رسوئی گیس سلنڈر میں لیک ہونے سے آگ لگ گئی جس کی وجہ سے مالک مکان سمیت گھر میں موجود تین افراد زخمی ہوگئے۔
بتایا جاتا ہے کہ مقامی رضاکاروں اور فائر بریگیڈ کی بروقت کارروائی سے آگ کو مزید پھیلنے سے روکا گیا۔
ترال۔گلاب باغ میں آتشزدگی تین زخمی
مکان کی نچلی منزل میں موجود سامان جل کر خاکستر ہوگئے جبکہ گھر کے تین افراد زخمی ہوگئے جن کو طبی امداد کے لیے سب ڈسٹرکٹ اسپتال ترال میں داخل کیا گیا ہے جہاں ان کی حالت خطرے سے باہر بتائی جاتی ہے۔
مقامی لوگوں نے انتظامیہ سے مکان مالک کو امداد فراہم کرنے کا مطالبہ کیا ہے کیونکہ وہ پہلے ہی کسمپرسی کی زندگی گزار رہے ہیں۔
