ضلع پلوامہ کے مثلمرگ علاقے میں چند نوجوان نے ایک کرکٹ ٹورنامنٹ کا انعقاد کیا تھا وہیں اس ٹورنامنٹ کا آخری مقابلہ کل کھیلا گیا۔ اس میچ کو دیکھنے کے لیے ضلع پلوامہ کے متعدد علاقوں سے نوجوان آئے تھے جس کی وجہ سے وہاں زیادہ بھیڑ اکٹھا ہوئی اور اس بھیڑ کی ویڈیو سوشل میڈیا پر وائرل ہونے کے بعد پولیس نے سنجیدگی کا مظاہرہ کرتے ہوئے اس کرکٹ ٹورنامنٹ کے آرگنائز کے خلاف ایف آئی آر درج کی۔
پلوامہ: کرکٹ ٹورنامنٹ آرگنائز کے خلاف ایف آئی آر درج ایک سینیئر پولیس افسر نے اس بات کی تصدیق کی کہ اس کرکٹ ٹورنامنٹ کو آرگنائز کرنے والے افراد کے خلاف پولیس اسٹیشن راجپورہ میں ایف آئی آر درج کی گئی ہے اور ان کے خلاف قانونی کاروائی عمل میں لائی جائے گی۔وہیں دوسری جانب ضلعی انتظامیہ پلوامہ اور پولیس لوگوں سے آئے روز اپیل کر رہی ہے کہ وہ کووڈ 19 کے پھیلاؤ کو روکنے کے لیے ان کا تعاون کریں اور انتظامیہ کی جانب سے جاری کردہ ایس او پیز پر عمل پیرا ہوں۔وہیں اس تعلق سے لوگوں پر بھی یہ ذمہ داری عائد ہوتی ہے کہ وہ ایسے جگہون میں جانے سے گریز کریں اور خود کے ساتھ ساتھ کے دوسروں کو محفوظ رکھیں۔
