پلوامہ میں فائنل میچ کا اختتام

مشہور کشمیری شاعرہ حبہ خاتون کے نام پر 15 جولاٸی کو فوج کی 50 راشٹریہ راٸفلز کی جانب سے ضلع پلوامہ کے چندہارا پانپورمیں شروع کیے گئے کرکٹ ٹورنامنٹ کا آج فاٸنل میچ کھیلا گیا ہے۔

فاٸنل میچ پلوامہ الیون اور چندہارا الیون کے بیچ میں کھیلا گیا ہے جس میں چندہارا الیون نے پہلے بیٹنگ کرتے ہوۓ 189 رنز اسکور کئے اس طرح سے پلوامہ الیون کو جیت کے لیے 190 رنز درکار تھے۔ لیکن پلوامہ الیون کی خراب کارکردگی کی وجہ سے چندہارا الیون نے یہ فاٸنل میچ 7 رنوں سے جیت لیا ہے۔

پلوامہ الیون کی خراب کار کردگی کے باوجود یہ فاٸنل میچ کافی دلچسپ رہا جس کا شاٸقین نے خوب مزہ لیا۔ فاٸنل میچ کا مقابلہ جیتنے والی چندہارا الیون کو ایک وننگ کپ کے علاوہ نقدی انعامات سے بھی نوازا گیا۔ وہیں ہارنے والی ٹیم کو بھی انعامات سے نوازا گیا۔ کھلاڑیوں نے کہا کہ کھیل کود کی وجہ سے وہ تندرست رہتے ہیں اس لیے ایسے ٹورنامنٹس کا انعقاد آگے بھی کیا جانا چاہے۔

انہوں نے کہا کہ ایسے ٹورنامنٹس منعقد کرنے سے نوجوانوں کے حوصلے بلند ہوتے ہیں اور انہیں اپنا ٹیلنٹ دکھانے کا بھی موقع ملتا ہے۔