پلوامہ: وادی کشمیر میں کئی روز سے بارشوں کا سلسلہ جاری ہے جس کی وجہ سے کئی علاقوں میں سڑکیں زیرآب ہونے کے ساتھ ساتھ کسانوں کو کافی نقصان کا ہوا ہے۔ ضلع پلوامہ میں بھی دو روز تک بارش کا سلسلہ جاری رہا، جس کی وجہ سے کوئیل، ٹنگہار، پیرتکہ سمیت سوآرہ کے گردونواح کے علاقوں میں رہنے والے آبادی اور کسانوں کو بھاری نقصان کا سامنا کرنا پڑا۔ اگرچہ معمولی بارش کی وجہ سے سوآرہ میں پانی کی سطح میں اضافہ دیکھنے کو ملتا ہے۔
ساتھ ہی ان علاقوں میں سیلابی صورتحال پیدا ہو جاتی ہے۔ سوآرہ پر عارضی باندھ تعمیر کئے گئے ہیں تاہم معمولی بارش کی وجہ سے یہ باندھ جگہ جگہ سے ٹوٹ جاتے ہیں اور پانی کھیتوں میں چلا جاتا ہے، جس کی وجہ سے کھڑی فصلیں تباہ ہوجاتی ہے اور باغات کو بھی نقصان پہنچتا ہے۔ اس ضمن میں مقامی لوگوں نے بات کرتے ہوئے کہا کہ اس 100 آرہ پر مستقل باندھ نہ ہونے کی وجہ سے ہر سال ہمارے زرعی اراضی کو نقصان پہنچتا ہے لیکن انتظامیہ کی نوٹس میں لانے کے باوجود بھی کوئی اقدامات نہیں اٹھایا جارہا ہے، جس کی وجہ سے کھڑی فصلوں کو نقصان پہنچ رہا ہے جبکہ اس آرہ کے متصلہ آبادی بھی زیرآب ہو جاتی ہیں۔
انہوں نے کہا کہ ہمارے باغات، سبزیوں اور دیگر فصلوں کو نقصان پہنچتا ہے لیکن انتظامیہ کے ذریعہ کوئی اقدام نہیں کیا جارہا ہے۔ انہوں نے کہا سڑکیں زیرآب ہو جاتی ہے جس کی وجہ سے سڑکوں کو بھی نقصان پہنچتا ہے۔ انہوں نے انتظامیہ سے اپیل کی کہ وہ اس 100آرہ کو چھتری پورہ کے مقام پر دو حصوں میں تقسیم کریں اور اس آرہ پر مستقل باندھ تعمیر کریں تاکہ علاقے کی آبادی کو بچایا جاسکے۔ ساتھ ہی زرعی اراضی کو بھی بچایا جاسکے۔
