جنوبی کشمیر کے ضلع پلوامہ کے پاریگام میں عسکریت پسندوں اور سکیورٹی فورسز کے درمیان تصادم شروع ہوا ہے۔
اطلاعات کے مطابق پولیس، فوج کی 50 آر آر اور سی آر پی ایف کی مشترکہ ٹیم نے شدت پسندوں کی موجودگی کی اطلاع موصول ہونے پر علاقے کو محاصرے میں لیا اور سرچ آپریشن شروع کیا۔ جب سکیورٹی فورسز کی مشترکہ ٹیم مشتبہ مقام کی طرف پہنچی تو وہاں چھپے ہوئے عسکریت پسندوں نے ان پر فائرنگ کردی جس کے بعد فائرنگ کا تبادلہ شروع ہوگیا۔
ذرائع کے مطابق علاقے میں دو سے تین عسکریت پسند کے چھپے ہونے کی اطلاع ہے۔ خبر لکھتے وقت تصادم جاری ہے۔
واضح رہے کہ جموں و کشمیر کے صوبہ جموں کے نگروٹہ میں سکیورٹی فورسز اور عسکریت پسندوں کے درمیان تصادم میں چار عسکریت پسند ہلاک ہو گئے ہیں۔
