پامپور سڑک حادثے میں بزرگ شہری ہلاک

جنوبی کشمیر کے قصبہ پامپور میں ایک المناک سڑک حادثے میں ایک ستر سالہ بزرگ شہری ہلاک ہوا ہے۔

اطلاعات کے مطابق، کدلہ بل پامپور میں ایک نامعلوم گاڑی نے غلام رسول صوفی نامی ایک بزرگ شخص جو ساکن لتربل پامپورکے رہنے والے ہیں ، کو ٹکر مار دی جس کی وجہ سے وہ موقع پر ہی دم توڑ گیا جبکہ ڈرائیور جائے واقع سے فرار ہوگیا۔

پولیس نے لاش کو لواحقین کے حوالہ کر کے اس ضمن میں ایک کیس درج کر کے تحقیقات شروع کردی ہے۔

لواحقین نے پولیس سے مطالبہ کیا ہے کہ ملوث ڈرائیور کو گرفتار کر کے قانون کے مطابق سزا دی جائے۔