جنوبی کشمر کے ضلع پلوامہ کے اونتی پورہ میں پولیس نے سیکورٹی اور کووڈ کی مجموعی صورتحال کا جائزہ لینے کے لیے آج ڈی پی ایل اونتی پورہ میں ایک میٹنگ منعقد کی گئی۔
میٹنگ کی صدارت ایس ایس پی اونتی پورہ محمد یوسف نے کی جبکہ میٹنگ میں پولیس ڈسٹرکٹ اونتی پورہ کے تحت آنے والے تمام ایس ڈی پی اوز، ایس ایچ او اور دیگر افسران موجود تھے۔
اس موقع پر ایس ایس پی اونتی پورہ نے افسران پر زور دیا کہ "وہ اپنی ڈیوٹی تن دہی کے ساتھ انجام دیں اور ساتھ ہی کورونا کے رہنما خطوط کی پاسداری کو یقینی بنانے کے لیے عوام کو آگاہ کریں۔
انہوں نے مزید کہا کہ اونتی پورہ پولیس سیکورٹی کی صورتحال پر بھی نظر بنائے ہوئے ہیں ۔انہوں نے کہا کہ پولیس عوام کے ساتھ رابطہ بنانے کے لیے دوریوں کو مٹانے کے لیے کوششیں کر رہی ہے۔
