'کورونا کو شکست دینے کے لیے ویکسین ضرور لیں'

پلوامہ کے ضلع ترقیاتی کمشنر بصیرالحق چودھری نے عوام سے اپیل کرتے ہوئے کہا کہ کورونا وائرس کی دوسری لہر سے بچنے کے لیے احتیاطی تدابیر پر عمل کریں اور ویکسین ضرور لیں تاکہ ضلع میں اس بیماری کو پھیلنے سے روکا جاسکے۔

جموں و کشمیر، ضلع پلوامہ کے سب ضلع ترال کے ٹاون ہال میں منعقدہ بلاک دیوس تقریب میں شرکت کے بعد صحافیوں سے گفتگو کرتے ہوئے پلوامہ کے ضلع ترقیاتی کمشنر بصیر الحق چودھری نے کہا کہ لوگ کورونا کی دوسری لہر کو دیکھتے ہوئے احتیاطی تدابیر پر عمل کریں اور ویکسین ضرور لیں تاکہ اس بیماری کو شکست دی جا سکے۔

ضلع ترقیاتی کمشنر نے بتایا کہ ضلع انتظامیہ پلوامہ کسی بھی صورتحال کا مقابلہ کرنے کے لیے تیار ہے۔ ڈسٹرکٹ اسپتال پلوامہ میں کووڈ مریضوں کے لیے معقول انتظامات بھی کیے گئے ہیں جہاں پر ساڑھے چار سو بیڈ کی سہولیات دستیاب رکھی گئی ہے۔