ترال: مارے گئے چپراسی کے اہل خانہ نے کی سرکاری نوکری کا مطالبہ کیا

گزشتہ روز شام کو نامعلوم مسلح افراد کے حملے میں لرگام ترال میں مارے گئے ایک اسکول چپراسی کے گھر تعزیت کا سلسلہ جاری ہے اور اب لواحقین حکام سے اپیل کر رہے ہیں کہ ہلاک کیے گئے چپراسی کے گھر والوں کو سرکاری نوکری دی جائے۔

تفصیلات کے مطابق گزشتہ روز نامعلوم مسلح افراد نے جنوبی کشمیر کے ترال علاقے میں واقع لرگام نامی گاؤں میں ایک شہری جاوید احمد ملک پر اندھا دھند فائرنگ کر کے اسے زخمی کر دیا۔

زخمی شہری کو اگرچہ سب ضلع اسپتال ترال منتقل کیاگیا تاہم وہ زندگی سے جنگ ہار گیا۔

متوفی کے چاچا عبدالرشید نے بتایا کہ مرحوم اپنے کنبے کا واحد کمانے والا تھا لیکن ان کی ہلاکت کے بعد پورا کنبہ بے سہارا ہو گیا ہے۔

وہیں ان لوگوں نے حکومت سے مطالبہ کیا ہے کہ ان کے بھائی کو سرکاری نوکری دی جائے تاکہ ان کے گھر کا گزارا ہو سکے۔