ضلع ترقیاتی کمشنر، پلوامہ نے اسپائس پارک دسو، پانپور کا دورہ کرکے اسپائس پارک میں زعفران کی کاشت اور تجارت سے منسلک کاشتکاروں اور تاجرین کو دی جانے والی سہولیات کا جائزہ لیا۔ ڈی سی پلوامہ نے اسپائس پارک میں موجود پراسیسنگ یونٹ کا بھی دورہ کرکے وہاں موجود سٹیگما سپریشن، ڈرائنگ اور پیکنگ سیکشن کا جائزہ لیا۔
انہوں نے کہا کہ اسپائس پارک کے سبب زعفران کی کاشت سے منسلک کسانوں کو ہر طرح کی سہولیات میسر رہیں گی اور زعفران کی صنعت کو مزید فروغ ملنے کے ساتھ ساتھ کسانوں کی آمدنی میں بھی اضافہ ہوگا۔
ضلع ترقیاتی کمشنر نے مزید کہا کہ اسپائس پارک کسانوں کی سہولیات کے لیے بنائی گئی ہے اور کسانوں کو یہاں آکر زیادہ سے زیادہ استفادہ کرنا چاہئے۔
مزید پڑھیں؛ ترال: چڑی بگ کی آبادی کتوں کی ہڑبونگ سے پریشان
انہوں نے کہا کہ آن لائن طرز پر بھی مناسب قیمت پر معیاری زعفران کی دستیابی کے لیے کوششیں کی جارہی ہیں۔ انہوں نے دعویٰ کیا کہ عنقریب ہی مشہور و معروف آن لائن پورٹلز کے ساتھ رابطہ قائم کرکے زعفران کی آن لائن خرید و فروخت کو بھی ممکن بنایا جائے گا۔
