پلوامہ (جموں کشمیر) : ڈپٹی کمشنر ڈاکٹر بشارت قیوم نے ’ایکتا ہفتہ‘ کے آئندہ جشن کی تیاریوں کا ایک جامع جائزہ لیا۔ اس حوالہ سے منعقدہ میٹنگ کے دوران 25 اکتوبر کے بعد سے مختلف محکموں کی جانب سے منعقد کی گئی سرگرمیوں کا بھی جائزہ شامل تھا۔ ایکتا ہفتے کے تحت انجام دی جانے والی سرگرمیاں میں دلکش تقریبات، بنیادی ڈھانچے کے آڈیو ویژول پر مشتمل آرٹ کی نمائش، پینٹنگز، مباحثوں اور ’رن فار یونیٹی‘ دوڑ شامل ہیں۔ جبکہ مختلف محکمہ جات کی انفرادی اور نمایاں کامیابیوں کو بھی اجاگر کیا جائے گا۔
جامع شمولیت کو یقینی بنانے کے لیے ڈی سی نے پلوامہ نے ہدایت دی کہ ’’یہ مقابلے ضلع، سب ڈویژن اور بلاک لیول سمیت متعدد سطحوں پر منعقد کیے جائیں گے۔ اس جامع طریقہ کار کا مقصد زیادہ سے زیادہ شرکت اور کمیونٹی کی شمولیت کو یقینی بنانا اور حوصلہ افزائی کرنا ہے۔‘‘ علاوہ ازیں، ڈی سی نے سوچھتا (صفائی) سرگرمیوں کو ایکتا دیوس (یونٹی ڈے) کے پروگرامز کے ساتھ جوڑنے کی اہمیت پر بھی زور دیا۔ ڈی سی نے کہا: ’’ان پروگرامز کے ذریعے نہ صرف ہم آہنگی بلکہ حب الوطنی کے جذبے کو بھی فروغ ملتا ہے اور ضلع میں صفائی اور معاشرتی بہبود کی اہمیت کو بھی اجاگر کرتا ہے۔‘‘
