جنوبی کشمیر میں قصبہ ترال سے 11 کلومیٹر دور صوفی گنڈ نامی علاقے کو حفاظتی اہلکاروں اور ایس او جی ترال نے مشترکہ طور پر محاصرے میں لے لیا ہے۔
معلوم ہوا کہ سکیورٹی فورسز کو صوفی گنڈ، ترال میں عسکریت پسندوں کی موجودگی کے بارے میں خفیہ اطلاعات موصول ہوئی ہیں جس کے بعد صوفی گنڈ کو محاصرہ میں لیکر تلاشی کارروائی شروع کردی گئی ہے۔
صوفی گنڈ کی جانب جانے والے تمام داخلی اور خارجی راستوں پر پہرے بٹھا دئیے گئے ہیں۔
علاقے میں خانہ تلاشیوں کا سلسلہ شروع کیا گیا ہے اور کسی بھی شخص کو گھر سے باہر نکلنے کی اجازت نہیں دی جا رہی ہے۔
قابل ذکر ہے کہ اس سے قبل کل دیر رات گئے ترال کے ہی ہایینہ نامی گاوں کو محاصرے میں لے لیا گیا تھا بعد ازاں سرچ آپریشن پُر امن طور اختتام پزیر ہو گیا تھا۔
